ಹೃದಯದ ನೋವನ್ನು ನಾನೇ ಯಾವಾಗಲೂ ಕಂಡೆ.. ಹೃದಯದ ಕರೆಗೆ ಮತ್ತೆ ಅವಳಿಗಾಗಿಯೇ ಓಡೋಡಿ ಬಂದೆ!

Jepee bhat's.

ಹಣೆಯ ಮೇಲಿನ ಆತಂಕದ ಗೆರೆ,
ಹೆಚ್ಚಿಸಿತು ನನ್ನ ತಲೆಯ ಮೇಲಿನ ಹೊರೆ..
ಚಿಂತಿಸಿದಾಗ ತಿಳಿಯಿತು, ಅದು ಮನಸ್ಸಿಗೆ ಬಿದ್ದ ಬರೆ,
ಆಗ ನನ್ನಲ್ಲೇ, ನನಗೆ ನಾನೇ ಆದೆ ಸೆರೆ..

ಕೆಲವೊಮ್ಮೆ ಮನಸ್ಸು ನಿಂತೇ ಬಿಡುತ್ತದೆ..
ಏನೂ ಮಾಡದೆ, ಮಾತೂ ಆಡದೇ...
ಹೃದಯ ಮಾತ್ರ ಬಡಿದುಕೊಳ್ಳುತ್ತದೆ ತನ್ನ ಪಾಡಿಗೆ,
ಆದರೆ ಕಣ್ಣಲ್ಲಿ ಮಾತ್ರ ನೀರು ಯಾರಿಗೂ ಹೇಳದೇ...

ಸತ್ತ ಹೃದಯ ಅವಳಿಗಾಗಿಯೇ ಬದುಕಿದೆ..
ಇದ್ದ ಹೃದಯದ ಬಡಿತ ಎಂದೋ ನಿಂತಿದೆ..
ಹೃದಯದ ನೋವನ್ನು ನಾನೇ ಯಾವಾಗಲೂ ಕಂಡೆ..
ಹೃದಯದ ಕರೆಗೆ ಮತ್ತೆ ಅವಳಿಗಾಗಿಯೇ ಓಡೋಡಿ ಬಂದೆ!