Friday, December 31, 2010

"ಹೀಗೆ ಸುಮ್ಮನೆ - ಹವ್ಯಕರ ಮನೆಯಲ್ಲಿ ಒಂದು ಸುತ್ತು ..."

Jepee Bhat's..


ಬೆಳಿಗ್ಗೆ ಬೆಳಿಗ್ಗೆ ಅಮ್ಮನ ಹಾಡಿನೊಂದಿಗೆ ಆರಂಭವಾಗುವ ದಿನ ,
ಅವಳಿoದಾನೇ ಮನೆಯ ಬಾಗಿಲನ್ನು ಸಾರಿಸುವ ಮೂಲಕ ಪ್ರಾರಂಭ ..
ಅವಳ ಕೆಲಸ ಅತ್ತ ಆರಂಭವಾಗುತ್ತಲೇ ,
ಇತ್ತ ಅಪ್ಪನ ದಿನಚರಿಯೂ ಪ್ರಾರಂಭ ...
ಅಮ್ಮನ ಮನೆಯ ಕೆಲಸ ಚುರುಕು ಪಡೆಯುತ್ತಿದ್ದಂತೆ ,
ಅಪ್ಪನ ಕೂಟ್ಟಿಗೆ ಕೆಲಸವೂ ಅರ್ಧ ಸಮಾಪ್ತಿಯ ಹಂತ ...
ಎಲ್ಲರೂ ಎದ್ದು ಬರುವ ಹೊತ್ತಿಗೆ ,
ಬಿದ್ದಿರಬೇಕು ದೋಸೆ ರಾಶಿ-ರಾಶಿ..
ಚಟ್ನಿ - ಬೆಲ್ಲ - ಉಪ್ಪಿನಕಾಯಿ - ತುಪ್ಪದ ಜೊತೆ ..
ಜೊತೆ ಜೊತೆಗೆ ಬಿಸಿ ಬಿಸಿ ಹಬೆಯಾಡುವ ಆಗ ತಾನೇ ಕರೆದು ತಂದ ಹಾಲಿನ ಚಾ ..!
ತಿಂಡಿ ತಿಂದು ಆದ ನಂತರ ,
ಎಲ್ಲರೂ ಅಂಗಳದ ಬಿಸಿಲಲ್ಲಿ ಹರಟೆ ಕೂಡುವ ಅವರು ..
ರಾಜಕೀಯ., ಅಡಿಕೆ ., ಗದ್ದೆ ., ಆಳುಗಳು .,ಮದುವೆಗಳ ಬಗ್ಗೇ ಚರ್ಚೆ ಮಾಡುವರು ..
ಅವರವರ ಕೆಲಸಕ್ಕೆ ಹೋಗುವ ತರಾತುರಿಯಲ್ಲಿರುವ ಅವರು ....
ತೋಟಕ್ಕೆ ಹೋಗುವ ಅಪ್ಪ, ದೊಡ್ಡಪ್ಪ -- ಆಳು , ಅವರ ಮರಿ ಮಕ್ಕಳ ಸೈನ್ಯ ..
ಅಡಿಕೆ ಮಾರಿ ಬರಲು ಗಾಡಿಗೆ ಕಾಯುತ್ತಿರುವ ಇನ್ನೊಬ್ಬ ದೊಡ್ದಪ್ಪನೋ ..
ಯಾವುದೋ ವಿಚಾರದಲ್ಲಿ ಇನ್ನೆಲ್ಲೋ ನೋಡುತ್ತಿರುವ ಚಿಕ್ಕಪ್ಪನೋ ..
ಅವರವರ ವಿಚಿತ್ರ ಲೋಕದಲ್ಲಿ ಅವರು !!!
ಹೀಗೆ ದೊಡ್ಡವರೆಲ್ಲಾ ಮನೆಯಿಂದ ಹೋದ ಮೇಲೆ ಚಿಕ್ಕವರ ಆಟ ಶುರು ..
ಬಲು ಜೋರು ..........
ಯಾವುದೋ ಸಂಗೀತವನ್ನು ರೇಡಿಯೋದೊಳಗೆ ಕುಳಿತು ಕೇಳುವಂತೆ ಕೇಳಿಸಿಕೊಂಡು ಮಧ್ಯಾನ್ನ ಊಟಕ್ಕೆ ತಯಾರಿ ನಡೆಸುವ ಅಮ್ಮ ,
ಯಾವುದೋ ಇನ್ಯಾರದ್ದೋ ಮನೆಯ ಹಿತ್ತಲ ಗಿಡಕ್ಕೆ , ಅದರ ಆಗು - ಹೋಗು ಗಳ ಬಗ್ಗೇ ಮಾತನಾಡುವ ಚಿಕ್ಕಮ್ಮ!
ಅವಳ ಮಗಳ ಮದುವೆಯ , ಸೀರೆಯ , ಮೊಮ್ಮಕ್ಕಳ ಬಗ್ಗೆ ಫೋನಿನಲ್ಲೇ ಕಥೆ ಬರೆಯುವ ದೊಡ್ಡಮ್ಮ ...
ಯೋಚನೆ ಮಾಡುತ್ತಾ ಕೂತ ಚಿಕ್ಕಪ್ಪ ಯಾವಾಗಲೋ ಎದ್ದು ಕಟ್ಟೆಯಲ್ಲಿ ಕೂತು ಮತ್ತೆ ಆಳುಗಳಿಗೆ ಕೆಲಸ ಹೇಳುತ್ತಾ..
ಯಾವುದೋ ದೇವರ ಅಥವಾ ಇನ್ಯಾವುದೋ ಬಚ್ಚಲು ತೊಳೆಯುವ ದೃಶ್ಯವನ್ನು ಕಾಣದಿದ್ದರೂ ಕಂಡಂತೆ , ಕೇಳದಿದ್ದರೂ ಕೇಳಿದಂತೆ ನೋಡುವ ಅಜ್ಜಿ ,..
ಅವನದೇ ಜಾಗದಲ್ಲಿ ಕಾಗದ ಪತ್ರವನ್ನೂ , ಯಾವುದೋ ಬೇಕಾಗಿರುವ ಪೇಪರ್ರೋ ಅವನ ಕಪಾಟಿನಲ್ಲೇ ಇಟ್ಟು, ಕಳೆದು , ಮತ್ತೆ ಹುಡುಕುತ್ತಿರುವ ಅಜ್ಜ ..
ಮೊನ್ನೆಯಷ್ಟೇ ಮದುವೆಯಾದ ಮೆತ್ತಿಯಿಂದ ಇನ್ನೂ ಕೆಳಗಿಳಿದು ಬಾರದ 'ಅಣ್ಣ - ಅತ್ತಿಗೆಯರ' ಗುಸು ಗುಸು ಕೋಣೆಯಲ್ಲಿ..
ಕೆಳಗೆ ಅವರ ಆಗಮನಕ್ಕೇ  ಕಾದು ನಿಂತಿರುವ, ಬ್ರೆಶ್ಹು , ಗರಿ ಗರಿ ಟವೆಲ್ಲು ದೊಡ್ಡಮ್ಮನ ಕೈಯಲ್ಲಿ ...
ಎಲ್ಲರೂ ಊಟಕ್ಕೆ ಬರುವ ಹೊತ್ತಿಗೆ ................,,......
''ಕೆಳಗೆ ಇಳಿದು ಬಂದಿರುತ್ತಾರೆ ಅಣ್ಣ - ಅತ್ತಿಗೆ ............"..?!
ಆ ಕಂಪ್ಯೂಟರ್ ಅನ್ನು ಆಫ್ ಮಾಡಿ ಕೆಳಗೆ ಬರುತ್ತೀಯೋ ಇಲ್ಲವೋ ಎಂದು ಅಮ್ಮನಿಂದ ಬೈಸಿಕೊಳ್ಳುವ ಅಣ್ಣ ..,
ಅಪ್ಪನಿಂದನೂ ಎಂದಿನಂತೆ ಹಾಕಿಸಿಕೊಳ್ಳಬೇಕು ಮಂತ್ರಾಕ್ಷತೆ..
'' ತಮ್ಮನಂತೆಯೇ ಓದಿ-ಓದಿ ಉದ್ಧಾರ ಆಗೋಕೆ ನಿನಗೇನು ಧಾಡಿ??
ಎಲ್ಲರೂ ಸೇರಿ,ಕೂಡಿ, ಊಟ ಮಾಡಿ ಮುಗಿಸುವ ಹೊತ್ತಿಗೆ ..
ಸುಸ್ತು ಆದರು ಸ್ವಲ್ಪ ಸ್ವಲ್ಪವೇ ಬಡಿಸಿ ಬಡಿಸಿ ನನ್ನ ಹೊಸ ಅತ್ತಿಗೆ........ ..!
ಮಧ್ಯಾನ್ನ [ ಇಳಿ ಸಂಜೆ ಹೊತ್ತಿಗೆ] ಮತ್ತದೇ ಹಾಡು ...
ಎಲ್ಲರ ಮಾತು-ಕಥೆ ..ಸಂತೋಷ ..ಅವರವರ ಲೋಕದ ಪಾಡು ..
ಇನ್ನೂ ಕತ್ತಲಾದರೂ ಮಣ್ಣಿನಲ್ಲಿ ಆಟ ಆಡಿ ಮುಗಿಯದ ಅಕ್ಕನ ಮಗು ..
ಪಾಪ , ಮನೆಯೊಳಕ್ಕೆ ಬರುತ್ತಲೇ ತಿಂದಿತು ಅಕ್ಕನಿಂದ ಏಟು ..
ಆಮೇಲೆ ಸಮಾಧಾನ ಮಾಡಲು ಅಕ್ಕನಿಂದಲೇ ಪಡೆಯುವ , ಸಾಕು ಸಾಕು ಎಂದರೂ ಬಿಡದೆ ನೀಡುವ ಸಿಹಿ ಸಿಹಿ ಮುತ್ತು ..
ಅಷ್ಟರೊಳಗೆ ಸಂಜೆಯೂ ಮುಗಿದಿತ್ತು .........
ಮರುದಿನ ಮತ್ತದೇ ಬೆಳಗಿಗೆಂದು ಅದೇ ಮೈ ಕೊರೆವ ಚಳಿಯು ಬಾಯಿ ಬಿಟ್ಟು ಕಾಯುತ್ತಿತ್ತು ..
ಇತ್ತ ಎಲ್ಲರಿಗೂ ತಣ್ಣನೆ ನಿದ್ದೆ ಮೈಯನ್ನು ಆವರಿಸಿತ್ತು ..
ಇನ್ನೆಲ್ಲೋ ಮೂಲೆಯಲ್ಲಿ ಒಂದು ಮಂದವಾದ ದೀಪದ ಕೆಳಗೆ,
ನನ್ನ ಕೈ ಬೆರಳುಗಳು ಪೇಪರಿನ ಚೂರಿನಲ್ಲಿ ಇನ್ನೇನೋ ಬರೆಯುತ್ತಿತ್ತು........!!!

Thursday, December 30, 2010

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..! 
 
ಹಳೇ ದಿನ ಮುಗಿಯುತ್ತಲೇ ಇರುತ್ತದೆ..
ಹೊಸ ದಿನ ಹುಟ್ಟುತ್ತಲೇ ಇರುತ್ತದೆ..

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ಪೂರ್ವದಲ್ಲಿ ಮೂಡುವ ಸೂರ್ಯ,
ಪಶ್ಚಿಮದಲ್ಲಿ ಮುಳುಗುವ ಅದೇ ಸೂರ್ಯ,
ಬೆಳಿಗ್ಗೆಯಾದರೆ ಬಿಸಿಲನ್ನು ಹೊತ್ತು ತರುವ ಅವನು,
ಸಂಜೆ ಹೋಗುವಾಗ ಕೊಟ್ಟು ಹೋಗುತ್ತಾನೆ ಹಿತವಾದ ತಂಪನ್ನು..

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ಯಾರೋ ಹುಟ್ಟಿದರೆ ನಗುವವರಾರು?
ಇನ್ಯಾರೋ ಸತ್ತರೆ ಅಳುವವರಾರು?
ಪ್ರಪಂಚವೇ ಹೀಗೆ ಯಾವುದಕ್ಕೂ ನಿಲ್ಲದು..
ಯಾರಿಗೆ ಏನೇ ಆದರೂ ಅಂಜದು ..

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ಕೆಲವರ ಪಾಲಿಗೆ ಅವರ ಜೀವನದಲ್ಲಿ ಯಾರೇ ಬಂದರೂ ಸಂತೋಷವಲ್ಲ ..
ಯಾರೇ ಹೋದರೂ ದುಃಖವಂತೂ ಮೊದಲೇ ಅಲ್ಲ ..
ಅವರವರ ಕೆಲಸವನ್ನು ಅವರು ಮಾಡುತ್ತಲೇ ಇರುವರು ..
ಅದು ಕೆಟ್ಟದ್ದಾಗಲೀ, ಒಳ್ಳೆಯದೇ ಇರಲಿ .. ಅವರು ಅದಾವುದಕ್ಕೂ ಹೆದರರು ..

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ಯಾವುದೋ ಕಾರಣಕ್ಕೆ ಯಾವುದೋ ಬಂಧದೊಳಗೆ ಬೀಳುವ ನಮಗೆ,
ಅವರು ನಮಗೆ ಗೊತ್ತಿಲ್ಲದಂತೆ ನಮ್ಮನ್ನೇ ಬಿಟ್ಟು ಹೋದಾಗ ಆಗುವ ನೋವು ಮಾತ್ರ ಮನಸಿಗೆ ...
ಗೊತ್ತಿದ್ದೋ ಗೊತ್ತಿಲ್ಲದೆಯೋ ಸಂಬಂಧದೊಳಗೆ ಬೀಳುವ ನಾವು
ಹೆದರುವುದು ಒಂದಕ್ಕೆ ಮಾತ್ರ .. ಅದು - ಸಾವು !

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

ದೇಹದ ನೋವೇ ದೊಡ್ಡದೆಂದು ತಿಳಿದವರಿಗೇನು ಗೊತ್ತು ?
ಮನಸು ಮಾಡುವ ನೋವು ಅದಕ್ಕಿಂತ ಆಳ ಗಾತ್ರ ಹೆಚ್ಚು ಅಂತ ?

ಯಾರೋ ಹೇಗೋ ಬಂದು ಸೇರುತ್ತಾರೆ..
ಏನೂ ಕಾರಣವಿಲ್ಲದೆಯೇ ಬಿಟ್ಟು ಹೋಗುತ್ತಾರೆ ..
ಕೇಳಿದರೆ ನಿರುತ್ತರ..
ಮತ್ತೊಮ್ಮೆ ಕೇಳಿದರೆ ಸಂಬಂಧವಿಲ್ಲದ ಪ್ರತ್ಯುತ್ತರ ...

ಪ್ರಪಂಚವೇ ಹೀಗೆ ಯಾವುದಕ್ಕೂ ನಿಲ್ಲದು..
ಯಾರಿಗೆ ಏನೇ ಆದರೂ ಅಂಜದು ..

ಯಾವುದಕ್ಕೂ ಯಾರಿಗೂ ಸಂಬಂಧವಿಲ್ಲದಂತೆ..!

Tuesday, December 28, 2010

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..

Jepee BHAT!!!

ಕೆಲವರೆಂದರು ನೀನು ಕದಿಯುತ್ತೀಯಾ..
ಕೆಲವರೆಂದರು ನೀನು ನಕಲು ಮಾಡುತ್ತೀಯಾ ..
ಕೆಲವರೆಂದರು ನೀನು ಅಲ್ಲಿ ಇಲ್ಲಿ ಹುಡುಕುತ್ತೀಯಾ ..
ಕೆಲವರೆಂದರು ನೀನು ಸ್ವಾಮೀಜಿ ..
ಕೆಲವರೆಂದರು ನೀನು ಕಳ್ಳ..
ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..

ಅವರಾರೆಂಬುದು ನನಗೆ ಗೊತ್ತು ,

ನಾನಾರೆಂಬುದು ಅವರಿಗೆ ಗೊತ್ತಿಲ್ಲ ,.
ನನ್ನದೆಂಬುದು ನನ್ನ ಸ್ವತ್ತು ,
ಏನೇನನ್ನೋ ಮಾತನಾಡುವುದು ಅವರ 'ಗತ್ತು'..

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..


ಕೆಲವು ಹಿಡಿಸಿದ ಸಾಲು ಹಾಕುವುದು ನನ್ನಿಷ್ಟ ,

ಅದಕ್ಕೆ ಮನ ಬಂದಂತೆ ಮಾತನಾಡುವುದು ಅವರ ಕಷ್ಟ ..
ಲೋಕದ ನಿಯಮವೇ ಹಾಗೆ ,,.
ಯಾರೂ ಸಹಿಸರು ಇನ್ನೊಬ್ಬರ ಏಳಿಗೆ ..

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..


ಹೃದಯದ ನೋವೆ ಹಾಗೆ ಒಮ್ಮೊಮ್ಮೆ .,

ನಿಲ್ಲುತ್ತದೆ ಏನನ್ನೂ ಮಾಡದೆ ಕೆಲವೊಮ್ಮೆ ,.
ಯಾರಲ್ಲಿ ಹೇಳಲಿ ಇದನ್ನು ,.
ಎಲ್ಲರೂ ಮಾಡುವರು ತಮಾಷೆಯನ್ನು .,

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..


ಈಗ ಕೂಡ ಹೇಳುವರು ಇದನ್ನೂ ಕದ್ದೆಯೆಂದು .,

ಆದರೆ ಯಾರು ನಂಬುವರು ಇದನ್ನು ಬರೆದದ್ದು ನಾನೇ ಎಂದು ??
ಅವನೋ ಪಾಪ ಹೋಗಿ ಮೂಲೆಯಲ್ಲಿ ಕೂತ.,
ಏನನ್ನೂ ಮಾಡದೆಯೇ ಆಡದೆಯೇ ಸೋತ .,

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..


ಅಷ್ಟಕ್ಕೂ ನೀನು ಮಾಡಿರುವುದಾದರೂ ಏನು.,

ಯಾರೂ ಮಾಡದ ಘನಂದಾರಿ ಕೆಲಸವನ್ನು .,
ಎಲ್ಲರೂ ಒಂದು ರೀತಿಯ ಕಳ್ಳರೇ .,
ಒಂದಲ್ಲ ಒಂದು ಬಗೆಯಲ್ಲಿ .,
ಬಗೆದು ಅಗೆದು ತೆಗೆವರು ಭೂಮಿಯನ್ನು .,
ಹೀರುವರು ಲಂಚದ ರೂಪದಲ್ಲಿ ಹಣವನ್ನು .,

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..
 
ನನ್ನದೆಂಬುದು ನನ್ನ ಸ್ವತ್ತು ,
ಏನೇನನ್ನೋ ಮಾತನಾಡುವುದು ಅವರ 'ಗತ್ತು'..

ಕೆಲವರೆಂದರು ನೀನು ಮಾಡುತ್ತಿರುವುದು ತಪ್ಪು ..

Monday, December 27, 2010

ಲೈಫ್ ಅಂದ್ರೆ ಇಷ್ಟೇನಾ ??


JEPEE BHAT:
ಎಲ್ಲೋ ಹುಟ್ಟಿ
ಎಲ್ಲೋ ಬೆಳೆದು
ಎಲ್ಲೋ ಓದಿ
ಎಲ್ಲೋ ಇದ್ದು
ಬದುಕು ಅಂತಾ ಕಟ್ಟಿಕೊಂಡು
ಇನ್ನು ಸೆಟ್ ಆಯ್ತು ಲೈಫ್ ಅಂದುಕೊಂಡು ......
ಲೈಫ್ ಅಂದ್ರೆ ಇಷ್ಟೇನಾ ??..

ಯಾರ್ದೋ ನಗುವಲ್ಲಿ ನಾವೂ ನಕ್ಕು
ಇನ್ನ್ಯಾರದೋ ಅಳುವಲ್ಲಿ ನಾವೂ ಅತ್ತು
ಕೊನೆಗೆ ನಮ್ ನಗುವಿಗೆ ಯಾರೂ ಬರ್ದೇ
ನಮ್ ಅಳುವಿಗೆ ಯಾರೂ ಇಲ್ದೆ
ಒಬ್ರೇ ನಿಂತು ನಕ್ಕು ನಕ್ಕು
ಒಬ್ರೇ ಕೂತು ಅತ್ತು ಅತ್ತು
ಲೈಫ್ ಅಂದ್ರೆ ಇಷ್ಟೇನಾ ??...

ಹುಟ್ಟಿದ್ಮೇಲೆ ಎಲ್ರೂ ಬದುಕ್ಲೇ ಬೇಕು
ಹುಟ್ಟಿದ್ಮೇಲೆ ಎಲ್ರೂ ಸಾಯ್ಲೇಬೇಕು
ನಡುವೆ ಇರೋ ಈ ನಾಲ್ಕು ದಿನದಲ್ಲಿ ಯಾಕೀ ಆಸೆ,
ಹೆಣ್ಣು , ಹೊನ್ನು , ಮಣ್ಣು ,
ಇರುವಷ್ಟು ದಿನ ಎಲ್ಲರೊಂದಿಗೆ
ಒಂದಾಗಿ ಬಾಳೋಣ ಇನ್ನು ....! :):)
ಹೊಸ ಆಶಯ , ಹೊಸ ನಿರೀಕ್ಷೆಗಳೊಂದಿಗೆ..


ನಿಮ್ಮವ,
- ಜೇಪೀ ಭಟ್ ..

Wednesday, December 22, 2010

ಗೆಳತೀ , ನಿನ್ನವನಾ? ಗೊತ್ತಿಲ್ಲ ???

nanDu:)

ಬಯಸಿದಾಗ ನಿನ್ನ,
ನೀನಿರುವೆ ಮತ್ತೆಲ್ಲೋ.
ನೀನೇ ಸೇರಿದಾಗ ನನ್ನ,
ನಾ ಹುಡುಕುವೆ ನಿನ್ನ ಇನ್ನೆಲ್ಲೋ.

ನನ್ನ ಕಣ್ಣ ಕಾತುರ,
ಇರಬಹುದು ನಿನ್ನ ಮನದಲ್ಲೋ  ಸಾವಿರ.
ಸಾಕಿನ್ನು ಗೆಳತಿ ಈ ಆಟ,
ಇನ್ನಾದರೂ ಮಾಡದೆ ಬಾ ಮೊದಲಿನ ಆ ಮೋಸ ನಾಟಕ, ಕಪಟ .

ನಿನಗಾಗಿ ಕಾದು ಕುಳಿತಿದೆ ಈ ಜೀವ,
ಇನ್ನಾದರೂ ಕೊಡಬೇಡ ಮತ್ತೆ ಅದಕ್ಕೆ ಸಾವು ನೋವ.
ಇನ್ನಾದರೂ ಬೆಸೆಯಲಿ ಹೃದಯಗಳ ಬಂಧ,
ಚೆಂದವಾಗಿ ನಡೆಸೋಣ ಇನ್ನೂ ಹೆಸರಿಡದ ಈ ಪವಿತ್ರವಾದ ಸಂಬಂಧ.

ಇನ್ನಾದರೂ ಬೆಳೆಯಲಿ ಬದುಕಿನ ಹಸಿರು,
ನಿಲ್ಲದ ಹಾಗೆ ನೋಡಿಕೋ ನನ್ನ-ನಿನ್ನ ಹೃದಯದ ಉಸಿರು....


ನಿನ್ನವನಾ? ಗೊತ್ತಿಲ್ಲ ???