ಗೊಂದಲದ ಗೂಡಲ್ಲಿ, ನನ್ನ ಹುಚ್ಚು ಮನಸು ಭಾವನೆಗಳ ಕಡಲ ಕವಲಲ್ಲಿ, ಕತ್ತಲಲ್ಲಿ ಹುಡುಕುತ್ತಿವೆ ಸಂತೈಸುವ ಕೈಗಳನ್ನು ಅವು ಸಿಗಲಾರದ ಜಾಗದಲ್ಲಿ...

Jepee BHAT*

ಕಣ್ಣೀರಿನ ಕೊಳಕ್ಕೇ ಕಲ್ಲೆಸೆದವರು ಯಾರು?
ನಗುತ್ತಿದ್ದ ಮೊಗಕೆ ಅಳುವನ್ನು ತಂದೋರು ಯಾರು?
ಹಾರಾಡಿಕೊಂಡಿದ್ದ ಮನಸಿಗೆ ಬೇಲಿ ಹಾಕಿದವರು ಯಾರು?
ಆರೋಗ್ಯದಿಂದ ಇದ್ದ ದೇಹವನ್ನು ಸತ್ತಂತೆ ಮಾಡಿದವರು ಯಾರು?

ಇದ್ದಕ್ಕಿದ್ದಂತೆ ಮನಸೇ ಅತ್ತಿದ್ದು, ಮನಸೇ ಸತ್ತಿದ್ದು, ಆಮೇಲೆ ನಕ್ಕಿದ್ದು..
ಆಮೇಲೆ ಸುಮ್ಮನೇ ಸಮಾಧಾನ ಮಾಡಿದ್ದು ಗೊತ್ತಿದ್ದು ಗೊತ್ತಿದ್ದೂ...
ಏನೋ ಮಾಡಲು ಹೋಗಿ ನಾನೇ ಆದೆ ಮೋಡಿ..
ಹರಿಯುತ್ತಿದೆ ಈಗ ದೇಹದಲ್ಲಿ ಕಣ್ಣೀರಿನ ಕೋಡಿ..

ಕನಸು ಕಂಡಿದ್ದು ಏನೇನೋ..ಆಗಿದ್ದು ಮತ್ತಿನ್ನೇನೋ...
ಯಾವಾಗಲೂ ಹೀಗೆಯೇ, ಜೀವನವೇ ಹೀಗೇನೋ?
ಗೊಂದಲದ ಗೂಡಲ್ಲಿ, ನನ್ನ ಹುಚ್ಚು ಮನಸು ಭಾವನೆಗಳ ಕಡಲ ಕವಲಲ್ಲಿ,
ಕತ್ತಲಲ್ಲಿ ಹುಡುಕುತ್ತಿವೆ ಸಂತೈಸುವ ಕೈಗಳನ್ನು ಅವು ಸಿಗಲಾರದ ಜಾಗದಲ್ಲಿ...