ಯಾವುದಕ್ಕೋ ಎಲ್ಲಿಯೋ ಹುಡುಕಾಟ, ನಿಲ್ಲುವುದು ಎಂದು? ಹೇಳದೆ ಕೇಳದೆ ಕಳೆದ ಮನಸು, ನಿಂತ ಹೃದಯ ಸರಿಯಾಗುವುದು ಎಂದು........??

Hearttie!

ಯಾಕೋ ಗೊತ್ತಿಲ್ಲ ಈಗೀಗ,
ಕೈಗೇ ಸಿಗುತ್ತಿಲ್ಲ ನನ್ನ ಮನ..
ಹೃದಯದ ಬಡಿತವೂ ನಿಂತಿದೆ,
ಕೇಳೋಣವೆಂದರೆ ಬಾಗಿಲೇ ಮುಚ್ಚಿದೆ...

ಮೊದಮೊದಲಿದ್ದ ಆ ಖುಷಿ,
ನಿನ್ನ ಪಡೆದುಕೊಳ್ಳುವಾಗ...
ಈಗ ಸಾಯುತ್ತಿದೆ,
ನಿನ್ನನ್ನೇ ಕಳೆದುಕೊಳ್ಳುವಾಗ...

ಬಯಸದೇ ನಿನ್ನ ಪಡೆದ ಜೀವ,
ಈಗ ಯಾವುದೋ ಭೀತಿಯಲ್ಲಿದೆ...
ಗೊತ್ತೋ ಗೊತ್ತಿದ್ದೋ ಗೊತ್ತಿಲ್ಲ..
ನಿನ್ನನ್ನೇ  ಮರೆಯುತ್ತಿದೆ.....

ನೀನಾಡಿದ ಒಂದೊಂದು ಮಾತು,
ಮಾಡಿದ ಒಂದೊಂದು ಚೇಷ್ಟೆಯೂ,
ಬಚ್ಚಿಟ್ಟ ಒಂದೊಂದು ಕಥೆ,
ಹೇಳದೇ ಬಂದು ಮುತ್ತಿಕ್ಕಿದ ಚಿಟ್ಟೆಯೂ...

ಯಾವುದಕ್ಕೋ ಎಲ್ಲಿಯೋ ಹುಡುಕಾಟ,
ನಿಲ್ಲುವುದು ಎಂದು?
ಹೇಳದೆ ಕೇಳದೆ ಕಳೆದ ಮನಸು,
ನಿಂತ ಹೃದಯ ಸರಿಯಾಗುವುದು ಎಂದು........??