Friday, September 16, 2011

ನನ್ನಲ್ಲಿ ನಾನಿಲ್ಲದಿದ್ದಾಗ ನೀನಾದೆ ನಾನು, ನೀನೇ ನಾನಾದರೆ ಆಗ ನೀನು ಯಾರು?

JEPEE BHAT.
 ನನ್ನ ಜೀವನದ ಸ್ಪೂರ್ತಿ ನೀನು,
ನನ್ನ ಚೈತನ್ಯದ ಚಿಲುಮೆ ನೀನು,
ನನ್ನ ಮೊಗದ ನಗುವಿನ ನಗು ನೀನು,
ನನ್ನ ಎಲ್ಲ ಭಾವನೆಗಳ ಭಾವಗಳ ಮೆರುಗು ನೀನು..

ನನ್ನ ಖುಷಿಯ ಸಂಕೇತ ನೀನು,
ನನ್ನ ವಿಜಯದ ಸಂಭ್ರಮದ ಭಾಗ ನೀನು,
ನನ್ನ ಜೀವನದ ಜೀವದ ಗೆಳತಿ ನೀನು,
ನನ್ನ ಉಸಿರಾಟದ ಉಸಿರು ನೀನು..

ನನ್ನ ಪ್ರತಿಯೊಂದು ಕಾರ್ಯಕ್ಕೂ ಕಾರಣ ನೀನು,
ನನ್ನ ಏಳಿಗೆಯ ಎತ್ತರದ ಏಣಿ ನೀನು,
ನನ್ನಲ್ಲಿ ನಾನಿಲ್ಲದಿದ್ದಾಗ ನೀನಾದೆ ನಾನು,
ನೀನೇ ನಾನಾದರೆ ಆಗ ನೀನು ಯಾರು?

10 comments:

ಈ-ಅಂಗಳ said...

Ninagobbanige Ee thara anisidare adu eka mukha. Aaga avalu avale.
Nimagibbarigoo haaganisidare neevibbaroo Onde.
Aaga allige nimmibbaranu bereyaagi gurutisuva prameya baruvude Illa.
(Naanu Neenu Onde aadamele Neenu yaaru annuva prashnege arthave illaa. )

ಅನು. said...

ಅವನು ಅವನೇ...! ಅವಳು ಅವಳೇ...! ಬದುಕಿಗೆ ನಾನಾ ಮುಖಗಳು...ಹಾಗೇ ಅವಳ ಮನಸು ಅಲ್ಲಿಲ್ಲದಾಗ ಇವನಿಗೆ ಅವಳು ಕಾಡುತ್ತಾಳೆ..ಇವನು ಎದುರಿಲ್ಲದಿರುವಾಗ ಅವಳಿಗೆ ಇವನು ಕಾಡುತ್ತಾನೆ...ವಿಚಿತ್ರವಾದರೂ ಸತ್ಯವೆನಿಸುವ ಮಾತುಗಳು..ಜಯ್....ಬರೆದ ಬಗೆ ಚೆನ್ನಾಗಿದ್ದು...

Anonymous said...

waw... Super lines..
ನೀನು ನಾನಾಗುವ ಪರಿ ಚೆನ್ನಾಗಿದೆ..
ಆದರೆ ’ನನ್ನ’ಲ್ಲಿರುವ ’ನೀನು’ ನನಗೆ ತಿಳಿಯದಂತೆ ಎದ್ದು ಹೋದರೆ ಅದರ ನೋವು ಸಹಿಸಲು ಕಷ್ಟ.
ಆಗ ಅದರಿಂದ ಹೊರಬಂದು ನೋಡಿದರೆ, ನಾನು ನೀನಾದದ್ದೇ ಸುಳ್ಳೇನೋ ಎಂದನಿಸುವುದು..ಮನ ಹಗುರಾಗುವುದು.:-)

prashasti said...

chennagiddu bhatre.. enu kanange ilyala ittitlage.. ?

ಕಾವ್ಯಾ ಕಾಶ್ಯಪ್ said...

ನೀನೇ ನಾನಾದರೆ ಆಗ ನೀನು ಯಾರು?

ಅವಾಗ ಅವಳು ಜೇಪೀ ಆಗ್ತು... :P ;)

ಜೇಪೀ ಭಟ್ ! said...

ಈ ಅಂಗಳ:
ಏಕ ಮುಖ ಮತ್ತು ದ್ವಿಮುಖ ಗಳ ಬಗ್ಗೆ ಮತ್ತೆ ಬರೆಯುವೆ.
ನಿಮ್ಮ ಪ್ರತ್ಯುತ್ತರಕ್ಕೆ ನನ್ನ ಧನ್ಯವಾದಗಳು.
ಇಬ್ಬರೂ ಒಂದಾದ ಮೇಲೂ ಅವಳು ಎನ್ನುವ ಭಾವ ಬರಲಿಕ್ಕೆ ಸಾಧ್ಯವೇ ಇಲ್ಲವಾ ನಿಮ್ಮ ಪ್ರಕಾರ?

ಜೇಪೀ ಭಟ್ ! said...

ಕವನ:
ನಿಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು.
ಬದುಕಿನ ಬೇರೆ ಬೇರೆ ಭಾವ, ಮುಖಗಳನ್ನು ಗುರುತಿಸಿ ನನ್ನ ಬರಹವನ್ನು ಮೆಚ್ಚಿದ್ದಕ್ಕೆ ಧನ್ಯವಾದಗಳು.
ಹೀಗೆ ಓದುತ್ತಾ ಕಾಮೆಂಟ್ ಮಾಡುತ್ತಿರಿ,.:):):)

ಜೇಪೀ ಭಟ್ ! said...

ಶಾಲ್ಮಲಿ:
ಧನ್ಯವಾದಗಳು:):):)
ನಿಮ್ಮ ಈ ಮಾತು -- ಆದರೆ ’ನನ್ನ’ಲ್ಲಿರುವ ’ನೀನು’ ನನಗೆ ತಿಳಿಯದಂತೆ ಎದ್ದು ಹೋದರೆ ಅದರ ನೋವು ಸಹಿಸಲು ಕಷ್ಟ.
ಆಗ ಅದರಿಂದ ಹೊರಬಂದು ನೋಡಿದರೆ, ನಾನು ನೀನಾದದ್ದೇ ಸುಳ್ಳೇನೋ ಎಂದನಿಸುವುದು..ಮನ ಹಗುರಾಗುವುದು.:-)--
ನೂರಕ್ಕೆ ನೂರರಷ್ಟು ಸತ್ಯ:):)
ಹೀಗೇ ಓದುತ್ತಾ ಪ್ರೋತ್ಸಾಹಿಸಿ...:):)

ಜೇಪೀ ಭಟ್ ! said...

ಪ್ರಶಸ್ತಿ:
ಧನ್ಯವಾದಗಳು.
ಈಗ ಸ್ವಲ್ಪಾ ಕೆಲಸದ ಒತ್ತಡ. ಬರೆದ್ರೂ ಹಾಕಲೇ ಆಗ್ತಾ ಇಲ್ಲೇ:(:(

ಜೇಪೀ ಭಟ್ ! said...

ಕಾವ್ಯ:
ಹ್ಹಾ ಹ್ಹಾ...
ಧನ್ಯವಾದಗಳು...
ಅವಳು ಆಗ ''ಜೇಪೀ'' ಹೇಗೆ ಆಗ್ತು...
ಜೇಪೀ ಅವ., ಅವಳು ಅಲ್ಲಾ...
ಹೆಂಗೆ ಕಾವ್ಯ ಅವಾ ಆಗ್ತ್ನಿಲ್ಯ ಹಂಗೇಯಾ ಅವಳು ಜೇಪೀ ಅಥವಾ ಜೇಪೀ ಅವಳು ಆಗ್ತಿಲ್ಲೆ. ಗೊತ್ತಾತ??